Hementxe uzten dizuet gaur goizeko Amarauna irratsaioko laburpentxoa, estekak eta saioa. Beti bezala, Gorka Julio, Mikel Iturria eta hirurok izan gara EITBko estudioetan Arantxa Arza eta Andoni Mutiloarekin batera. Ondorengo gaiak izan ditugu hizpide:

• Blogeu: hautsak harrotu dituen gaia izan da euskal blogarien elkartearen sorrerarena. Hementxe duzue han eta hemen gaiari buruz idatzitakoa:
• Blogeu, (teketen.com)
• Blogeu, ez dugu Euskadiko blogarien elkarte bat nahi (Harrikadak)
• Nace blogeu, Asociación Vasca de Bloggers (Agirregabiria.net)
• 2ª Junta abierta de Blogeu (Agirregabiria.net)
• La opinión de una pantera vasca (El cementerio de los ingleses)
• Blogeu? Gracias pero no  (teknopataren txokoa)
• Blogeu, bidaiak eta blogak Bilbon (EuskalSeo)
• Eusko blogariak vs #blogeu (Jabi Zabala Sustatun)
• Blogeu (Derhitzot)

• Euskarazko lehen tuitak 5 urte: Twitterrek 6 urte bete ditu, baina, euskarazko lehen tuitak, antza denez, duela bost urtekoak dira. Hantxe genbiltzan gu ere (albistea Sustatun)
• Pinterest: edukien artatzeko (content curation) tresna aproposa, irudi eta bideoentzat bereziki.
  
• P2P sareak, Tribbler eta Piratebay droneak.

Zuzenean entzuteko aukera izan ez zenutenoi hementxe uzten dizuet saioaren grabazioa (jaisteko, joan EITBra). Osorik entzuteko, egin klik:

Atzo Euskadi Irratiko Amarauna saioan,  Mikel Iturria, Gorka Julio eta hirurok egon ginen Edurne Ayuso eta Andoni Mutiloarekin batera, Donostiako EITBko estudioetan.  Ondorengo gaiak izan genituen hizpide:

• Wifia espazio publikoetan eta guifi.net proiektua
• SOPA (Stop Online Piracy Act)
• Infografia
• SOPA modu errazean azalduta
• Twitter euskaratzeko 2. kanpaina

Zuzenean entzuteko aukera izan ez zenutenoi hementxe uzten dizuet saioaren grabazioa. Osorik entzuteko, egin klik:

Gipuzkoako Foru Aldundiaren Berrikuntzako eta Jakintzaren Gizarteko Departamentuak beste ikastaro bat ipini du sarean, denon eskura, Internet eta bere tresnen erabilera gipuzkoarron artean sustatzeko. Duela hilabete batzuk Twitter ikastaroa plazaratu zuten, eta hementxe ipini genuen: Oinarrizko Twitter ikastaroak, euskaraz eta gaztelaniaz. Orain mapa mentalena garatu dute.

Mapa mentalen oinarrizko ikastaroa

Ondorengo atalak ditu ikastaroak:

• Zer dira? (01:28)
• Zertarako balio dute? (02:04)
• Nola sortzen dira? (01:59)
• Tresna digitalak (00:58)
• Aplikazio profesionalak (03:56)
• Agurra eta balorazioa (00:49)

Atal guztiek bideoa dute, azpitituluekin, eta azalpenen eskuliburu osoa pdf formatuan jaisteko aukera ere badago. Ikastaroa euskaraz eta gaztelaniaz egin daiteke:

• Mapa mentalen oinarrizko ikastaroa euskaraz
• Curso básico de mapas mentales

Ikastaroa TAK enpresak garatu du. Esan beharra dago, Twitter ikastaroarekin gertatu zen bezala, ikastaro honetako bideoak ere ezin direla edozein gunetan txertatu; hau da, ez dago embed egiteko aukerarik. Aurrekoan adierazi genien eta kodea pasatu ziguten arazorik gabe. Halaber, esan ziguten hurrengoan kontuan izango zutela aukera hori. Antza denez, ez dira gogoratu. Ez dago zalantzarik askoz ere interesgarriagoa litzatekeela bideoak nonahi txertatzeko aukera emango balute.

Bide batez, harrituta jarraitzen dut ikastaro honetan ere Copyright-a ikustearekin; izan ere, jakina baita Gipuzkoako Foru Aldundia ahalegin berezia egiten ari dela euren materialak eta fondoak denon eskura uzteko, Creative Commons lizentziapean (GureGipuzkoa.net…). Ea hurrengoetarako.

Amaitzeko, eskerrak eman baino ez honelako ikastaroak garatzeagatik, oso ondo etortzen baitzaizkigu batzuoi gure ikasleekin erabiltzeko eta beste batzuei alor honetan abian ipintzeko.

Ikastaro honen berri, nola ez, Twitterren izan zuen, zehazki @maixu21 erabiltzailearengandik. Mila esker, Xabier, honen berri emateagatik!

Gaur Euskadi Irratiko Amarauna saioan Mikel Iturria ( @iturri ), Gorka Julio ( @teketen ) eta hirurok egon gara Arantxa Artza eta Andoni Mutikoarekin, Donostiako EITBko estudioetan. Ondorengo gaiak izan ditugu hizpide:

• Bigarren generazioko Ipada aurkeztu du aste honetan Steve Jobsek.
• VideoPuzzle!, iphonean jokatzeko bideojoko berria, Ideatecaren eskutik.
• Twitter euskaraz kanpaina abian da. Zergatik da garrantzitsua Twitter euskaraz izatea? Erabili #twittereuskaraz etiketa zure tuitetan, ekimenari bultzadatxo bat emateko.
• Euskaltzaindiari luzatutako proposamena, Twitterren kontua zabal dezan.
• Umap Twitterreko mezuak eta erabiltzaileak hizkuntzaren arabera detektatu eta metatzeko tresna galesez orain. Euskaraz lehenengo, kalanez gero… orain galesez ere badago Umap.
• Euskaren Aholku Batzordeko batzorde-atal bereziak abian dira.

Saioa entzuteko:

Pentsatzen nuenean ia dena ikusita nuela eta ia ezerk ez ninduela harritzen, hara non azaltzen den nire Twitterrean Marc Alder texastarra!  Alderrek ( @marcadler ) honela definitzen du bere burua:  “Japanese translator, learning Basque and interested in other languages. News junkie.”

Bada, kontua da, duela ez asko, euskarazko Gaurko Hitza bere Twitterrean ingelesera itzulita ematen hasi zela. Geroago, ingelesez emateaz gain, japonierara ere itzultzen hasi zen. Orain, ahoskera eta guzti ematen du. Ze ona, ezta? Niri, behintzat, izugarrizko ilusioa egin zidan ikusi nuenean! Ikusteko zertaz ari naizen, hementxe gaur goizean argitaratu dudan hitzaren bi bertsioak: euskara-ingelesa eta euskara-japoniera.

1. 
   marcadler [Basque Word of the Day] hamaiketako: mid-morning snack http://bit.ly/aLiLvY via @euskaljakintza

— this quote was brought to you by quoteurl

1. 
   marcadler [今日のバスク語] hamaiketako: 午前中の軽食 (gozenchū no keishoku) http://bit.ly/aLiLvY via @euskaljakintza

— this quote was brought to you by quoteurl

Hemendik aurrera, japonierazko itzulpena iritsi ahala, hura ere txertatuko dut. Mila esker, Marc!