Euskararen egunean euskarazko etiketa bat TT izateko inkestaren emaitzak
Dakizuen bezala, azken urteetan ekimen eta egitasmo ugari ipini dira abian Euskararen Nazioarteko Eguna ospatzeko. Azken egun hauetan, adibidez, Twitter bidez horietako bat ipini da abian. Guztia tuit honekin hasi zen, niri dagokidanez:
[blackbirdpie url="http://twitter.com/#!/mondrautar/status/139690384430346242"]
Baiezkoa esan eta gero, beste tuit batzuk etorri ziren atzetik. Orduan jakin nuen Twitterren etiketa edo hashtag bat TT edo Trending Topic bihurtzeko, komeni dela etiketa hori erabili gabe izatea; izan ere, antza denez, Twitterreko algoritmoek berritasuna saritzen baitute.
[blackbirdpie url="http://twitter.com/#!/Errota/statuses/139733123461152769"]
Kontuak kontu, @Lontzok hala eskatuta, inkesta bat ipini genuen abian Twitterren Euskararen Nazioarteko Egunean, abenduaren 3an, euskarazko etiketa bat TT bihurtzeko:
[blackbirdpie url="http://twitter.com/#!/euskaljakintza/status/139815366942670849"]
Eta zein izan da, bada, emaitza? Hemen ikus dezakezuen bezala, 176 boto eman dira eta horietatik 78 #euskarazbizi -ren aldekoak izan dira. Beraz, emaitza oso garbia da.
| euskaraz [ 22% (39 votes) ] |
|
| euskarazbizi [ 44% (78 votes) ] |
|
| euskarareneguna [ 7% (12 votes) ] |
|
| euskaramaite [ 6% (11 votes) ] |
|
| euskaramundiala [ 5% (9 votes) ] |
|
| Other [ 15% (27 votes) ] |
Bestalde, honetan ari ginela, Azkue Fundazioaren #keinukaeuskarari egitasmoaren berri izan genuen. Hauek ekimen osatuagoa proposatu dute eta horren barruan, besteak beste, #keinukaeuskarari etiketa proposatu dute TT bihurtzeko abenduaren 3an.
Beraz, hortxe uzten dut informazioa hauetako ekimenen batekin edo bi egitasmoekin bat egin dezazuen, hala nahi izanez gero. Eta gogoratu: ez da komeni hautatutako etiketa D eguna baino lehen erabiltzea.
