Hementxe doa goizeko Amaraunako laburpentxoa, estekak eta saioa. Ikasturte honetako blogarien tartearen lehenengo saioa izan da eta, beti bezala,  Gorka Julio, Mikel Iturria eta hirurok izan gara EITBko estudioetan, Arantxa Arza eta Andoni Mutiloarekin batera. Besteak beste, udan zehar gertatutakoari erreparatu diogu. Hauek izan dira, labur-labur aipatuta, landutako gaiak:

Gai nagusia: udan aplikazio mordoa itzuli eta lokalizatu da.

• Apalabrados eta Apalabrados itzultzearen garrantzia
• Segapototik ere nabigatu euskaraz Android eta Firefox erabiliz
• Aplikazio berriak euskaraz (Sarekoak eta PCrako) Librezaleri esker
• Forvoren interfazea euskaraz orain (Babelium ere aipatu dugu)
• Euskarazko lokalizazioak abuztuan
• Google Voice Search euskaraz, Android telefonoetarako (batzuetarako)
• Euskaratua dago jada Twitterren interfazea

Bestelakoak:

• Sarea ez da bakarrik teknologia: Joxe Aranzabalek kontatu du aste honetan 10 urte bete direla minbiziaren diagnostikoa izan zuenetik. Uda honetan, beste blogari batek, Imanol Epeldek bere blogean eman ditu ezagutzera bere gaixotasunaren gorabeherak.
• Seasteading.org ekimena: Itsasoari begira.

Zuzenean entzuteko aukera izan ez duzuenoi hementxe uzten dizuet saioaren grabazioa (jaisteko, joan EITBra). Osorik entzuteko, egin klik: