Blog sarrerak

24
ABU
2012

Bideo ediziorako tresna eta bestelako gune interesgarriak, bereziki irakasleentzat

tag : , , , ,
by :
comment : 3

Garbi dago, azkenaldian, hezkuntza eta teknologia aipatzen ditugunean, joera nagusienetako bat bideoaren erabilera dela. Ohikoa da irakasleok sarean topatzen ditugun  bideoak erabiltzea gure eskoletan, gure azalpenen osagarri gisa, etab. Horretaz gain, izugarri hazten ari da bideoen ekoizpen propioa, bai irakasle eta baita ikasleen aldetik ere, aukera pedagogikoak anitzak direlako. Hementxe adibide batzuk: 45 ideas para usar  las cámaras de vídeo de los móviles en el aula, eta 43 surprising ways to use video cameras in the classroom.

Jarraian datorren zerrenda, beraz, irakasle bati baino gehiagori etorriko zaio ondo. Educational Technology & Mobile Learning blogatik aterata dago eta bere sortzailearen baimenarekin itzulia, moldatua eta hona ekarria: The best free video tools.

Bideo ediziorako tresna interesgarriak

  • Zentation:
      • Bideoak eta diapositibak konbinatuz, aurkezpenak sortzeko tresna. Alde batetik, bideo bat igo dezakezu (zu zeu azalpenak ematen, adibidez) eta, bestetik, azalpen horri dagokion diapositiba aurkezpena. Irudian ikus dezakezu emaitza zein den.
      • 3 urrats baino ez:
        • Bideoa igo
        • Diapositiba aurkezpena igo
        • Sinkronizatu biak
      • Informazio gehigarria: Zentation; Combine Videos and Slides into presentations
      • Ezaugarriak eta prezioak
  • VoiceThread:
    • Irudiak, dokumentuak eta bideoak konbinatuz, aurkezpenak sortu eta besteekin parteka ditzakezu. Ikasleek modu ezberdinean utz ditzakete iruzkinak: ahotsa grabatuz (mikrofono edo mugikorra erabilita), testu bat idatziz,  audio bat igoz, edo bideo bat utziz (webcam bat erabilita).
  • Vixy
  • Movavi
  • Dragontape
    • Youtubeko bideoko pasarte ezberdinekin bideo bakar bat egin.
    • Hautatu Youtubeko bideo ezberdinak eta eraman arrastaka denbora-lerro batera.
    • Bideo bakoitzaren hasiera eta amaiera egokitu.
    • Soundcloudetik musika txerta daiteke.
    • Informazio gehigarria: Dragontape: Create YouTube custom mixes.
  • Vcasmo:
    • Multimedia aurkezpen tresna interesgarria. Bideoak, diapositibak, dokumentuak, estekak, etab. nahas daitezke. Emaitza irudian ikus dezakezue.
    • Informazio gehigarria: Vcasmo: easy way to master multimedia
  • Viddix:
    • Bideo elkarreragileak sortzeko tresna interesgarria.
    • Dohaineko bertsioa jada ez dago eskuragarri (pricing)
    • Panel bikoitza erakusten du. Panel hauetan testuak, irudiak, bideoak, flashak, inkestak, rss jarioak eta estekak txerta daitezke.
    • Oso erabilgarria izan daiteke ikasleei galderak egiteko aukera. Ikus irudia.
    • Informazio gehigarria: viddix :The Easiest Way to Create Interactive Web Videos
  • Zeniting:
  • Qwiki:
    • Oso tresna interesgarria aurkezpenak sortzeko.
    • Txerta daitezke artxiboak ordenagailutik edo YouTube, Vimeo, Flickr, Instagram eta horrelakoetatik.
    • Igotako artxiboetan estekak eta testua txerta daiteke.
    • Informazio gehigarria: Qwiki tutoriala
  • Vuvox:
  • Viewbix:
    • Bideo bati aplikazio elkarreragileak txertatzeko tresna interesgarria.
    • Emaitza Twitter eta Facebook bidez parteka edo blogetan argitara daiteke.
    • Informazio gehigarria: Viewbix
  • Screenr:
    • Bideotutorialak modu errazean sortzeko tresna.
    • Bideotutorialak webguneetan txertatzeko kodea ematen du.
    • Bideotutoriala Youtubera igo daiteke zuzenean.
    • Twitter eta Facebooken parteka daiteke.
    • Urratsak:
      • Grabatu nahi duzun pantaila zatia hautatu eta record sakatu.
      • Record sakatzean, pantailan ikusten den oro grabatuko da. Ahotsa ere graba daiteke.
      • Grabatutakoa ezin da editatu.
    • Gehienera 5 minutuko bideotutorialak egin daitezke.
    • Informazio gehigarria: Screenr tutoriala.
  • Screencast-o-matic:
    • Aurrekoaren antzekoa: bideotutorialak modu errazean sortzeko tresna.
    • Gehienera 15 minutuko bideotutorialak egin daitezke.
    • Pantailakoa grabatzeaz aparte, webcam bidez ere graba daiteke.
    • Bideotutoriala Youtubera igo daiteke zuzenean.
    • Formatu ezberdinetan gorde daiteke: MP4, AVI, FLV.
    • Informazio gehigarria: Screencast-o-matic tutoriala.
  • AlarmTube

    • Edozein arrazoirengatik ezin baduzu une zehatz batean bideo bat ikusi, Alarmtubek beste lipar batean ikusteko alarma bat ipintzeko aukera ematen du.
    • Ordua edo denbora erreferentzia ipini, eta programatutako momentuan bideoa martxan ipintzen da.
    • Informazio gehigarria: AlarmTube
  • SafeShare.TV:
    • Youtubeko bideoek ikasleen arreta galtzen-edo laguntzen duten elementu asko izaten dituzte inguruan (beste bideoetara jo, iruzkin ez oso egokiak eta horrelakoak). Bada, tresna honek youtubeko bideo bat bere horretan, beste ezer gabe, ikusteko aukera ematen du.
    • Horretaz gain, bideoaren pasarte bat hautatu eta pasarte horixe bakarrik ikusteko aukera ematen du.
    • Informazio gehigarria: SafeShare.TV: the educative way to share Youtube videos.
  • Viewpure:
    • Aurrekoaren antzeko tresna: arreta galaraz dezaketen elementu bisual guztiak kentzen ditu eta bakar-bakarrik ikusi nahi dugun bideoa uzten du.
    • Kopiatu hautatutako bideoaren helbidea eta listo.
    • Informazio gehigarria: Viewpure: how to make educative videos
  • ClipChoose:
    • Bideo bidez galdeketak egiteko tresna.
    • Hautatu YouTubeko bideo batzuk (gehienera 8) eta URLa kopiatu.
    • Egin galdera (interesgarriena, gai jakin bat sakonen lantzen duena…edozer).
  • Voki:
  • Kerpoof:
  • EmbedPlus:
    • Tresna honek youtubeko bideoak editatu, moldatu eta gure guneetan txertatzeko aukera ematen du.
    • Youtubeko bideo bat une zehatz batean ikusten hasteko aukera ematen du, pasarteak ikusi gabe uzteko, oharrak idazteko…
    • Informazio gehigarria: EmbedPlus : The educative way to use Youtube videos.
  • TubeChop:
  • Youtube Safety Mode:

    • Eduki desegokia duten bideoak ekiditeko, Youtuben Segurtasun modua gaitu dezakezu. Modu horrek komunitateak markatutako bideoak eta bestelako informazioa erabiltzen ditu bideo desegokiak identifikatzeko eta iragazteko.
    • Modu hori gaitzeko, joan bideo baten orriaren beheko aldera (hizkuntza eta kokapena hautatzeko toki berean topatuko duzu).
    • Informazio gehigarria: Youtube Safety Mode : Irrelevant content blocker functionality.
  • Kinkast:
    • Bideoak modu pribatuan partekatzeko aukera ematen du.
    • Web bidez edo iPhonetik parteka daitezke bideoak (postaz mezu pribatua bidaliz edo Facebook edo youtube bidez).
    • Ikusteko ez dago kontua sortu beharrik.
    • Informazio gehigarria: Kinkast: share your videos privately

Hezkuntzari lotutako bideoak topatu eta geure kanalak sortzeko gune interesgarriak

Behin bideoak ekoiztuta, nora igo? Non sortu geure kanalak? Eta non topatu beste irakasleen bideo interesgarriak?

Autoreari buruz
Hezkuntza, education, web 2.0, PLE/PLN, edtech, educational technology, ICT/IKT, social networking, eLearning, sare sozialak, datuak askatu, data visualization.
  1. Maite 2012(e)ko Abuztuak 24 at 22:29 Reply

    Gaur beste hau ere topatu dut:

    10 youtube kanal interesgarri irakasleontzat

  2. Maite 2012(e)ko Abuztuak 31 at 9:01 Reply

    @jozulin -ek esteka hauek utzi dizkigu Twitterren. Zerrendara doaz. Mila esker! :-)

  3. Best4Video 2013(e)ko Urtarrilak 16 at 12:42 Reply

    is this is a video converter

Iruzkin bat utzi nahi?

*

captcha *

Atalak

Twitter

Azken iruzkinak

Etiketak

"azkue fundazioa" "creative commons" "euskal literatura" "gaurko hitza" "hezkuntza teknologia" "infografiak euskaraz" "software askea" aipuak amarauna aplikazioak arauak artikuluak aurkezpenak azkue azoka47 bideoak cc ebentoak EGA egitasmoak ekt elkarrizketak euskaljakintza euskara google hezkuntza hitzapasa ideiak ikastaroak infografiak inspiration ipad irakaskuntza itzulpenak jardunaldiak konpetentziak maitego mu nonick prezi sarrera sopa tutorialak twitter urteurrenak

Lagunen txokoak

Harremanetan ipintzeko

  1. Izen-abizena *
    * Idatzi zure izena
  2. Posta helbidea *
    * Sartu baliozko posta helbide bat
  3. Mezua *
    * Mezua idatzi

Artxiboak

Edtech news

Maite Goñik garatua, Wordpress erabiliz.
Creative Commons-en baimena
CC Aitortu 3.0.