Iaz Flip Mino bideokamera erosi nuen euskaljakintzakoekin erabiltzeko. Nazkatuta nengoen, aurreko urteetan, ikasleek elkarrizketa bat bideoz grabatzen zuten bakoitzeko ibiltzen ginen moduarekin: elkarrizketa grabatu, bideoa niri eman deskargatzeko (bakoitzak bere etxean egin zezakeen, baina kontuan izanda ikastolan bideo bakarra genuela eta, horretaz gain, berehala utzi behar genuela kamera libre beste elkarrizketatzaileentzat…), kableak gora eta behera, deskargak elkarrizketak hartzen zuen denbora bera behar zuen, zintak erabili eta ezabatu, bateriak gastatu, aldatu… Uf!!! Odisea bat!!

Flip Minok izugarri errazten ditu gauzak: USB memoria gisa lan egiten du; beraz, bideo bat deskargatzea edozein artxibo pasatzea bezain erraza eta azkarra da. Gainera, bideo ediziorako programa sinple bat dakar. Zenbat ordu ez nituen aurreztuko horrekin! Kontua da horrelako tresnek asko animatzen dutela bat kamera edozein unetan erabiltzera. Eta guk dezente erabiltzen dugu ia edozertarako.

Halere, gailua erabiltzeko prest izatea bezain garrantzitsua denez zertarako erabiliko dugun, hona hemen Edudemicen topatutako aurkezpena, idea sorta politarekin. Aurkezpena Tom Barrettek egina da.

Interesting ways to:

• Get to Know Your New Class
• Use a Learning Platform in the Classroom
• Support Spelling in the Classroom
• Teach Reading Comprehension in the Classroom
• Use Web Conferencing in the Classroom
• Make Your Classroom a Sparkly Place to Learn
• Use Audio in Your Classroom
• Use Wallwisher in the Classroom
• Support Writing in the Classroom
• Use Google Wave in the Classroom
• Use an iPod Touch in the Classroom
• Nintendo Wii in the Classroom
• Use a Wiki in the Classroom
• Use a Visualizer in the Classroom
• Use Twitter in the Classroom
• Use Wordle in the Classroom
• Use Your Pocket Video Camera in the Classroom
• Use Google Docs in the Classroom
• Use Google Earth in the Classroom
• Use a Nintendo DS in the Classroom
• Use Search Engines in the Classroom
• Use Your Interactive Whiteboard in the Classroom
• Prezi in the Classroom
• Use Voicethread in the Classroom
• Use the iPad in the Classroom
• Use Google Search in the Classroom
• Use Google Maps in the Classroom

Horiek guztiak eta gehiago topatuko dituzue Edte.ch gunean. Benetan, merezi du begitxo bat botatzea. Zorionak eta mila esker, Tom, egindako lanagatik!

Twitter, zalantzarik gabe, nire PLE edo Personal Learning Environment delakoaren bihotza bihurtu da. Bertan ezagutzen ari naiz pertsona interesgarrien lana – nire afizio, ofizio eta jakin-min berdintsua dutenak-, eta bertatik jasotzen ditut, eguna joan eguna etorri, esteka, irakurgai, beste pertsonenganako zubia egingo duten erabiltzaileen erreferentzia eta aurkezpen interesgarriak, besteak beste, etengabeko jarioan. Gaur @simbeckhampson-en tweet honen bidez, Maria Andersenen aurkezpen honetara iritsi naiz, jokoen papera irakaskuntzan aztertzen duena.

Web 2.0, IKT eta teknologia berrien mundu zirraragarri honen aukera amaigabeak ezagutzen hasi nintzen unetik, oso garrantzitsua iruditu zait joko eta simulazioen integrazioa hezkuntzan arrazoi askorengatik. Lastima euskaraz hain eduki gutxi egotea! Eduki gutxi eta, beraz, aukera ugari alor hori miatu eta garatzen hasteko…

Gipuzkoako Foru Aldundiaren Berrikuntzako eta Jakintzaren Gizarteko Departamentuak oinarrizko Twitter ikastaro bat garatu du Interneten eta bere tresnen erabilera gipuzkoarron artean sustatzeko. Doakoa den hiru ordu inguruko ikastaroaren bidez, Twitter erabiltzen hasi eta eguneroko bizitzan txertatzeko behar dugun guztia ikasiko dugu, haiek diotenez.

Ikastaroa euskaraz eta gaztelaniaz egin daiteke:

• Oinarrizko Twitter ikastaroa
• Curso básico de Twitter

Dinamika

Ikastaroak 8 atal ditu eta ez da beharrezkoa berezko hurrenkerari jarraitzea; izan ere, sail bakoitza independentea baita. Dinamika ondorengoa da: atal bakoitzaren ezkerreko aldean bideo bat izango dugu ikusgai, dagokion azalpenarekin, eta, jarraian, eskuinean dagoen ariketa egin ahal izango dugu. Behin ariketa amaituta, ondo egin dugun egiaztatu ahal izango dugu. Horretarako, zure Twitterrera sartzeko baimena eman behar duzu (Twitterrekin erlazionatutako beste aplikazioekin egiten den bezala). Bertan azaltzen denez, Twitterren sartzeko zure datuak ez zaizkio Gipuzkoako Foru Aldundiari emango, eta ikastaroaren eta zure Twitterreko kontuaren arteko lotura eten egingo da zuk Twitterreko saioa ixten duzunean.

Atalak

Esan bezala, 8 atal ditu ikastaroak (parentesi artean bideoaren iraupena azaltzen da, minututan).

1. Zer da Twitter eta nola erregistra zaitezke (6:08)
2. Nire Twitterra konfiguratzea (3.57)
3. Twiteatzen hasi eta jarraitzaileak izateko (1:45)
4. Pertsona interesgarriak aurkitzea haien jarraitzaile izateko (2:58)
5. Kontaktuak zerrendetan antoaltzea (2:12)
6. Modu pribatuan komunikatzea (1:53)
7. Twitter enpresari begira (2:55)
8. Twitter erabiltzeko beste modu batzuk (3:19)

Saltseatzen egon naiz eta ikastaroa primeran dago, edozeinek egiteko modukoa da. Oso ondo etorriko zait gure ikasleekin erabiltzeko. Euskaljakintzako ikasle berriei, adibidez, ikasturte hasieran, Twitter azalduko diet (ikasturtean zehar erabiliko dugu komunikatzeko nahiz informazioa partekatzeko), baina denbora gehiegi horri eskaini gabe. Ikusten badut norbaitek zailtasuna duela abian ipintzeko edo, besterik gabe, etekin gehiago atera nahi badiote Twitterri (ni ez naiz hasiko gorabehera guztiak azaltzen; izan ere, ez baita hori nire helburua Euskal Hizkuntza eta Literaturako euskaljakintzako eskoletan), bada, ikastaroaren erreferentzia emango diet, euren kasa sakon dezaten.

Oraingoz ez du ematen bideoak edozein webgunetan txertatzeko aukerarik. Oso ondo legoke hori egin ahal izatea, egia esan. Hori adierazteko, ikastaroa garatu duen TAK enpresarekin harremanetan ipini nintzen. Berehala erantzun zidaten esanez hurrengorako kontuan izango dutela aukera hori, eta kode bat bidali zidaten bideoak eskuz txertatzeko nire gunean. Edonork txertatu ahal izateko aukera garatzen duten bitartean, asko eskertzen da ahalegina. Bide batez, esan beharrean nago harritu nauela Copyright-a ikusteak; izan ere, azkenaldian, Gipuzkoako Foru Aldundia ahalegin berezia egiten ari baita euren materialak eta fondoak denon eskura uzteko, Creative Commons lizentziapean (GureGipuzkoa.net…). Honi buruz ere galdetu dut eta erantzunaren zain nago.

Ikastaroari ekiteko klikatu goiko esteketan. Azalpenen gutxi gorabeherako ideia bat izateko, hementxe uzten dizuet hasierako bideoa:

Twitter ikastaro honen berri, nola ez, Twitterren izan zuen, zehazki @imurua erabiltzailearengandik. Mila esker, Iñaki, honen berri emateagatik.

Kim Trefzen aurkezpen honek ideia batzuk ematen dizkigu hainbat web 2.0 baliabide gelan erabiltzeko. Tresna bakoitza aurkeztu eta erabilera didaktikoren bat edo beste aipatzen digu. Labur eta garbi. Ingelesezko eskoletan erabiltzeko pentsatua badago ere, edozein hizkuntzatara egoki daitezke erabilera horiek. Zalantzarik gabe, irakasleoi oso ondo etortzen zaigu mota hauetako tresnak ezagutzea eta besteek zertarako erabiltzen duten jakitea; izan ere, hortik abiatuta guk geure erabilera eman diezaiekegu.

Guk, euskaljakintzan, mota hauetako baliabide dezente erabiltzen ditugu. Ea egunen batean horrelako aurkezpenen bat prestatzen dudan haiei ateratzen diegun etekinaren azalpenarekin…

Via @web20classroom

This infographic created by Online MBA can help us understand better the issue of net neutrality, which is not always easy to understand.  /via @xbelanch

Via: Online MBA Programs

Gaiaren inguruan asko hitz egin da azkenaldian, Googlek eta Verizon konpainiak sinatutako akordioa dela eta. Sustatun gaiari buruz argitaratutakoa irakurri nahi izanez gero:

• Net Neutrality kontzeptua auzitan, Google-Verizon akordioaren argitan