Atzo goizean Gorka Julio, Mikel Iturria eta hiruruok izan ginen EITBko estudioetan, Miramonen, Andoni Mutiloa eta Arantxa Arzarekin batera, iganderoko Amarauna saioko “Blogarien tartean”.

Hitz egiten hasi orduko bukatu behar izan genuen; eta gai dezente prestatuta bagenuen ere, azkenean, hauek baino ez genituen ukitu:

• Non hasten du zure egun digitala? Zuzeu.com-en argitaratutako artikuluaren harira, bakoitzaren egun digitalari buruz aritu ginen labur. Ez zigun denborarik eman aipatzeko, baina interesgarria da Albisteak 2.0n horren inguruan egindakoa (ikus saio osoa gehigarrien atalean).
• Jardunaldiak Tknikan:
  • Moodlemoot Euskadi 2010
  • Innotk2010
• Tokitan.tv. Haritz Rodriguez lagunak estreinatu du Tokitan.tv. Bere lehen bidaian, Soriara eraman gaitu oreinen “berrea” ikustera.
• Greba Euskal Herrian gunea ere izan dugu hizpide. Bertan bilduko dira grebaren inguruan antolatuko diren hainbat ekintza. Mikel Iturriak ere hitz egin zuen duela gutxi bere blogean honi buruz: Greba orokorrak ekainaren 29an.
• Amaitzeko, Leroyk, Gasteizko gazte batek, Youtuben duen kanalaren arrakastaz mintzatu ginen. Hona hemen albistea EITBn.

Joxe Rojasek Teknopataren txokoan utzi digu saioaren grabazioa. Entzun nahi baduzue, egin klik:

• Amarauna, 2010-05-23 ( Teknopataren txokoan eta EITBn)
• Aurreko saio guztiak

Gehigarriak:

Albisteak 2.0.014 – Hurrengo geltokia: from Albisteak 2.0 on Vimeo.

Twitterren, @idocente erabiltzailearen bidez, Stephen Downesen aurkezpen honetara iritsi naiz. Lastima ez daudela Downesen hitzak, bideo batean jasota, aurkezpenarekin batera! Honela ere, baina, bere mezua ondo ulertzen dela iruditzen zait. Bi aldiz ikusi beharrekoa, zalantzarik gabe!

Hementxe uzten dizuet “ikasten ikasi” eta konektibismoari buruzko aurkezpena, hausnarketa egin dezazuen:

Gaur goizean Ana Malagon, Goio Telletxea eta hiruruok izan gara EITBko estudioetan, Miramonen, Andoni Mutiloa eta Aratxa Arzarekin batera, igandero legez, Amarauna saioko “Blogarien tartean”.

Gaurko saioaren ostean, estudio berrituan

Besteak beste, ondorengo gaiak aipatu ditugu:

• Internet bidezko erosketek gora egin dute EAEn, 1. hiruhilekoan. Teknologia  berrien ezarpenari buruz Eustatek egindako inkesta batetik ateratako datuen arabera, 316.100 bezeroek erosi zuten Internet bidez EAEn, iaz baino %33,6 gehiago (32.000 pertsona gehiago). Datu hauek ulertzeko garaian, interesgarria litzateke kontuan izatea Joxe Aranzabalek bere blogean aipatutako hau:  sei urtean Internet %265 hazi da gure artean.
• TomTom-ek bere produktu eskaintza ofizialean sartu du Eibar.org-ek egindako euskarazko bertsioa. Iban Arantzabal, Amatiño, Mikel Iturria eta Leire Narbaizaren ahotsak entzun daitezke GPSan, euskaraz.
• Memeak: ideia bikaina ala tontakeria?
• Jesus Elosegiren argazkien digitalizazioa, Arantzadiren eskutik. Guregipuzkoa.net-en daude guztion eskura, Creative Commons lizentziapean.
• Ontziak Kerobia taldearen disko berria libre deskargatzeko aukera.

Joxe Rojasek, oraingoan ere bere lana txukun-txukun eginez, Teknopataren txokoan utzi digu saioaren grabazioa. Entzun nahi baduzue, egin klik:

• Amarauna, 2010-05-23 ( Teknopataren txokoan eta EITBn)
• Aurreko saio guztiak

Gehigarriak: